我唔係杜如風，但係見到日本平食推介，
都想輕輕一推～～
日本嘅放題水準，點都有多2錢保證。
呢間喺Skytree附近嘅sake bar，賣點係清酒＋壽司放題。
一般嘅「飲之放題」，都係提供大路酒水，
呢間就唔同嘞，80款sake，任飲。
唔止得大路貨，你想飲咩口味，都可以問店員，搵到啱為止。
連季節限定嘅酒，都有。
另外有3小時即製壽司提供，任食。
據呢篇報導嘅記者講，水準拍得住迴轉壽司店。
同場有埋日式沙律提供，仲任你拎外來食物上去送酒，不另收費。
放題另一局限︰時間。
鋪頭開下晝6點，你有本事可以由開鋪飲到10點last order。
飲飲食食足4粒鐘，都只係收4000yen （約港幣290元）。
與其話易回本，想試吓唔同清酒口味慢慢嗒嘅愛好者，
呢度幾啱玩。
廣告
