廣告

機場好污糟!安檢行李盤 污糟過廁所

九月 26, 2018
67
Views

有朋友搭飛機,一定準備消毒洗手液同口罩。

我以為係佢有潔癖,原來……佢係啱架。

 

有研究喺芬蘭首都赫爾辛基國際機場抽取樣本,

發現唔少乘客接觸到嘅物件同地方,

例如行人輸送帶扶手、証件檢查站以及兒註遊樂設施,

都搵到相當數量嘅病毒樣本。

呢啲大約佔機場10%嘅面積。

 

而最易搵到病毒樣本嘅,就係接受安全檢查時,

用嚟放置旅客物品嘅塑膠行李盤。

呢個真係冇得避,點都要用手接觸!

 

咁搵到咩病毒多?就係引致傷風嘅鼻病毒,

同埋甲型流感病毒。

諷刺嘅係,喺洗手間,居然搵唔到呢啲呼吸道病毒。

 

研究人員話呢個結果有助預防流行病傳播,

至於點先可以避免成為「傳染病嘅幕後黑手」?

都係最老套又最有用嘅方法︰

洗手,同埋打乞嚏或咳嗽時掩住口鼻。

假如有日我放完假返嚟就請病假,

老細請你記得呢篇文。

我係被機場啲病毒感染架!

原文傳送門

廣告

Comments are closed.