廣告

99歲深情伯伯 日行10公里探癱瘓妻

風雨不改每日行10公里,唔係為咗自己身體健康。

 

99歲嘅Luther,每日都會行呢段路,探望卧病在床嘅太太。

 

參與過韓戰嘅Luther,同太太Waverlee相愛半世紀,

2009年Waverlee腦部發現有腫瘤,

之後更引致佢癱瘓,

近來又患上肺炎要長期留院。

自言「冇太太就冇佢」嘅Luther,

即使年近一百,每日仍然由家中行去醫院探望,

來回路程一共10公里,不分寒暑晴天雨天,繼續行。

 

Luther話,有人願意揸車送佢去醫院,

佢都寧願用雙腳「踏上這無盡旅退」,

等自己有時間諗下嘢。

佢甚至會慢跑去醫院,完全唔想被年齡限制。

 

而且,對Luther而言,呢段路都係一種愛的表現。

佢接受美國CBS嘅訪問時,毫不掩飾對太太嘅愛慕。

「Waverlee係我杯茶,仲係最甜嗰杯」。

 

醫生本來診斷Waverlee嘅病活不過5年,

而家已經超出預期。

或者,愛的力量,真係可以撐住佢地繼續行落去。

原文傳送門

廣告
More Stories
表參道飲枝藍瓶咖啡 靜靜隱身閣樓綠叢間!