古語有云︰養兒一百歲，長憂九十九。
點止？未出世其實都已經要憂心。
當英國媽媽Katie知道，懷孕19週嘅BB停止發育，
心入面一定好難過。
醫生仲叫呢對準父母要有心理準備，甚至建議中止懷孕……
7個禮拜之後，Katie誕下蚊型B仔Theo。
其他BB出世體重斷磅計，Theo呢？
只有350g，即係唔夠一磅（0.77磅），
大約得一罐汽水咁重。
呢個size，打破咗英國初生嬰兒體重紀錄。
Katie話，即使Theo出世，佢都擔心未必可以帶佢返屋企。
但係兩夫婦都保持正能量幫仔仔打氣。
Theo爸爸Jay話，見到個仔咁細粒都嚇一跳，
「佢仲細過我隻手掌，而且我覺得罐汽水重過佢！」。
一般而言，輕過400g嘅初生BB，腦部健全嘅機會得7％。
但係Theo經過悉心照料，留醫半年後終於可以出院，
醫生亦確定Theo一切正常。
Theo 而家睇落同其他BB一樣咁得意～
咁細個就經歷生存大挑戰，希望你大個都會咁硬淨！
廣告
