廣告

印尼小煙民 一日要食兩包 你估佢幾大?

十月 1, 2018
69
Views

一日要食兩包煙(40枝)?聽落呢個人都算係大煙癮啦啩?

撇除瞓覺嗰8個鐘,即係每個鐘頭要食2枝半。

假設佢係打工仔,淨係落樓食煙都用佢唔少時間。

 

咁難怪呢個人可以食得咁密,因為佢唔駛返工。

介紹返,印尼煙民Rapi,一日食兩包煙,而佢只係得2歲!!!

 

Rapi住喺西爪哇,早排有條片影住佢嫻熟嘅吸煙手勢,

十足資深煙民咁,觸動唔少網民神經。

 

事後Rapi媽話已經幫個仔戒煙,仲話Rapi肯玩玩具唔再吞雲吐霧,

不過有人見到佢為咗令個仔唔扭計,又買2包俾個仔食,

仲幫阿「少爺」點埋煙……

點解咁細個成為煙民?事緣Rapi媽係攤販,

冇時間成日睇實個仔,Rapi走去執煙頭食仲覺得好味。

其他小朋友扭計要糖要玩具要手機,Rapi就會要煙仔。

 

咁細個食煙,一定有影響。

專家話幼童吸煙會影響大腦發育,仲係永久性傷害。

心肺功能疾病同癌症,亦有機會提早出現。

 

印尼係全球吸煙人口最多國家之一,有9%煙民未滿18歲。

難怪Rapi執都執到唔少煙頭嚟食,仲食到上癮……

 

既然有食煙圖片,點都要加句「吸煙可引致陽痿」警告下嘅~~完!

原文報導

廣告

Comments are closed.