廣告

部落客po太太露點照當粉絲福利 揭出可歌可泣愛情故事

十月 1, 2018
88
Views

我地報過好多單料,都係KOL/youtuber為咗出名而做嘅瘋狂事。

有人食瀕危動物,

有人整蠱流浪漢,

有人叫個女爆粗恥笑觀眾窮……

 

尋日台灣網路界有件事頗為哄動,

一位叫「無敵小恩恩」嘅部落客(blogger),

出po分享一家四口去日本有馬溫泉嘅遊記。

 

其中一張,係小恩恩太太嘅出浴照,

「恩嫂」Annie全裸現身不特止,仲有露點之嫌。

小恩恩好輕描淡寫話「福利照給各位觀賞一下」。

呢篇遊記一日內得到60萬點擊率,相當厲害。

連雞排妹鄭家純都有share呢篇post,質疑係咪因為facebook改變內容觸及率,

令blogger要咁樣贏收視。

主人翁小恩恩回應事件,就話照片係經太太同意先出po,

而且覺得只不過露點,係大家太大驚小怪。

 

有花生友就踢爆,小恩恩原來同Annie本身係表兄妹關係。

小恩恩亦承認,Annie比佢細12年,二人雖然係親戚不過一向無咩聯絡,

直至2012年阿公生日飯再聚頭先過電。

本身各自都同屋企人有摩擦,於是佢地決定離家出走,仲去咗加拿大生活半年。

後來Annie懷孕令戀情曝光,備受家人反對,

而且台灣唔承認近親婚姻,佢地只好喺外國註冊。

 

而家一家四口嘅生活,對於本來不打算結婚嘅小恩恩嚟講,

或多或少有啲小摩擦影響情緒。

不過佢話見到太太同小朋友嘅笑容,

「我內心就告訴自己不管花什麼代價都要守住」。

 

經歷咁多事情,難怪一張露點照帶來嘅壓力,算不上甚麼。

報導原文

廣告

Comments are closed.