廣告

保安員返工拍「放屁片」放上網 半年後被炒

十月 6, 2018
45
Views

又一單亂放嘢上網出事嘅個案。

 

美國新澤西洲一位醫院保安員Doug,

睇落肥頭耷意又友善,於是公司派佢去坐接待處。

 

肥仔Doug開咗個Instagram 賬戶,叫Paul Flart。

個諧音都幾似Paul Fart……即係保羅放屁?

 

係!成個account都係po佢嘅大頭影片,

然後會聽到佢放屁……

響之餘,仲要有唔同音頻。

而啲片都係Doug著住制服拍,似係開工時一感到肚中有氣,

就即刻roll機紀錄呢啲「動人時刻」。

佢接受訪問時承認,因為覺得個大堂夠空蕩,

放屁聲會好響,於是就萌生要拍放屁影片嘅念頭,

本來只係想圍內朋友開心share。

睇完之後班friend好鍾意,仲話應該公諸於世,

就咁,Paul Flart呢個IG面世,而家有成7萬幾人follow。

 

正當人氣上升之際,估唔到佢老細有睇個IG……

上星期四,Doug就收到大信封了。

既然有咁多人睇,被炒可能只係推動Doug行另一條路。

佢已經打算將Paul Flart變成品牌推出產品,自己做老細。

 

唔……家陣連放屁界都有KOL了。

原文傳送門

廣告

Comments are closed.