廣告

減走半個自己 瘦身男做手術「修皮」

減肥成功,固然值得恭喜。

 

不過,原來只係成功咗一半……

 

呢位美國哥仔John,曾經重到540磅,著衫要著8XL!

唔止咁,佢要磅重,係要去魚市場,

因為只有嗰度先有磅,可以秤到佢而整唔壞……

之後識到而家嘅太太,既然對方都唔介意自己有五百幾磅都肯嫁,

John都為咗太太著想,

下定決心減肥,做運動、注意飲食,

結果減走300磅!

身體狀況當然大有改善,但係另一個問題就嚟嘞。

 

本身嘅龐大身軀,一下子冇咗300磅,

令佢身上出現一堆鬆馳嘅皮膚,

足足有成20磅。

唔止影響外表,更煩係令John行動不便。

於是,佢要為減肥捱一刀。

就係進行一個「修皮」手術,切除多出嘅皮膚。

最後,手術成功,巨John終於變成fit John。

但係同食物、體重嘅戰鬥,係冇得停。

原文傳送門

廣告
More Stories
iOS 版 Facebook Lite 正在測試中