TVB男神余德丞踢波後昏迷入院，
應該令好多人驚覺，原來後生兼身體健康，
都可以有隱疾隨時攞你命。
以為小事，其實可以好大件事。
32歲嘅英國女子Kate，前年同丈夫離婚，結束十幾年關係。
佢將不時出現嘅頭痛，歸因於身份轉變帶來嘅壓力。
直到有次，佢喺浴室暈咗，先肯去睇醫生。
喺急症室返屋企2個鐘，醫生打電話叫佢立即返醫院！
經診斷，Kate證實患有前骨髓細胞白血病 （promyelocytic leukaemia），
導致免疫系統奇差，仲出現敗血症，
要立即做化療，否則……
只係得2日命。
好在及時發現，經過2次化療，Kate總算執返條命仔。
但係因為進行化療會影響生育，而佢嘅療程要緊急進行，
未有時間雪藏卵子，
導致Kate呢世都未能擁有自己嘅下一代。
逐漸康復嘅Kate，提醒大家如果有身體任何奇怪狀況，
例如呼吸唔暢順、夜汗、無端瘀傷等等，記得要睇醫生。
廣告
