廣告

行程保證唔正經 日本邪牌旅行團有幾曳?

十月 18, 2018
103
Views

 

去日本,行街shopping食食食,

最多加埋浸溫泉、上富士山、睇紅葉睇櫻花睇雪祭,

喂!仲可以點玩?

 

大路嘢之外,有日本旅行社搞「另類行程」,

專攻「想要瘋狂行程嘅外國人」。

玩咩?先講輕量級︰

淺草機械人餐廳、參觀貧民旅館街、上和歌山食河豚。

 

咪噓住,呢啲真係熱下身咋。

 

中量級︰

同女大學生、人妻聯誼(嗱,有咩下文唔知啦)

參觀黑社會辦公室!!

 

最辣嘅,亦都係最多人有興趣,

就係……尋花問柳。

嗱,我地唔係鼓吹,不過間旅行社真係有咁嘅「服務」,

仲話唔少華人報名。

 

團費方面,10萬yen起錶,唔包食,要3人成團。

仲會有專車接送,司機做埋攝影師,仲有翻譯幫手。

 

再嗱多次,嗱!呢間旅行社,

唔駛問都知係無牌,而且係同客人以email/短訊聯絡,見面先交團費,

有冇保障、有冇風險?一定有啦!

 

小編冇咩膽量,而且……同得呢啲「地下活動」有緊密聯絡嘅旅行社,

會唔會都係有啲古惑呢?

拎舊錢食放題算啦都係!

原文傳送門

廣告

Comments are closed.