身為仔女，責任除咗準時俾家用，
仲要教家中老友記使用數碼產品。
咪以為佢地淨係識send長輩圖，或者搭車睇片唔用耳筒嘈生晒。
台灣有個巴打上去當地年青人論壇Dcard開po，
話屋企有個潮爆阿公，
見到仔孫玩緊咩，都會虛心求教，仲好快上手。
FB、IG、Line 呢啲，阿公識晒，仲會打轉珠添。
見到fb啲片，講巴西嘉年華好正，阿公居然走去學葡萄牙話，
話睇下有冇機會識到森巴女郎！！！！
最爆的事情出現了，
阿公原來偷用出po巴打account識女仔，
仲扮中學生方法講嘢……
點扮？阿公話「句子裡夾雜一堆髒話，屁啦，白癡喔，就可以了。」
而喺阿公溝……通過嘅十幾個女仔入面，
有一個好得佢老人家歡心，話個女仔笑容好夠孝順。
多得阿公開路，原po巴打真係同呢個女仔上Line Chat，
知道對方都係由祖父母湊大，知道係阿公「代孫交友」唔單止冇嬲，
仲傾得好開心。
就係咁，原po傾下傾下，同個女仔一齊咗喇～～～
睇過個po嘅巴絲都相當激動，紛紛要求識阿公、做契仔契女，
甚至求相！！
咁鬼馬嘅老友記，真係可遇不可求架～～
廣告
