廣告

日本唯美彩妝廣告 以女同志為主題獲網民大讚

對於同性戀呢個議題,一直都係大眾熱門討論嘅焦點,早前日本資生堂於萬聖節發佈彩妝微電影廣告《The Party Bus 好きだなんて 言えない》(派對巴士 欲言又止…好喜歡你),就以LGBT(同性戀、雙性戀或跨性別族群)為題材成功引起話題,加上唯美色調及瑰麗畫面,榮獲「EPICA AWARDS」國際優秀廣告獎金獎。

故事圍繞3位主角,女主角「輝夜姬」、戀人「德古拉公爵」及神秘「蒙面武士」。萬聖節當晚輝夜姬、德古拉公爵同眾好朋友出席於巴士上舉行嘅cosplay party,不過輝夜姬成晚心不在焉,明明情人就喺身邊,心入面就諗住第二個。原來佢最近發覺自己最好嘅朋友對自己似乎超越咗友誼,但兩人都怕會影響大家關係而唔敢再進一步。

當德古拉公爵怖到濃時想錫輝夜姬,佢不自覺地留眼淚,面上妝容亦發生奇妙變化!嘴唇上嘅紅色唇膏好似施咗魔法咁,化作一位紅色女孩,手舞足蹈,彩色眼影亦加入一齊輕快跳舞,象徵輝夜姬內心最渴望嘅勇氣及自由!

輝夜姬睜開雙眼,避開德古拉公爵一吻,然後衝落巴士,追上剛離開嘅「蒙面武士」,武士除低面具,原來佢就係輝夜姬最好嘅朋友,輝夜姬眼神堅定,兩人情深一吻。影片最後寫住「Make up your own story」,表達女生因為彩妝而獲得勇氣,勇敢追求真愛!

Love has no gender!廣告以LGBTQ(對其性別認同感到疑惑嘅人)話題作為結局,為觀眾帶來小驚喜,而且令人深思。當然,廣告另一加分位,就係出現咗只有短短分零鐘嘅「定格動畫」,原來耗時幾十小時拍攝,唯美色彩、華麗畫面,令人眼前一亮。

圖片來源: 資生堂

廣告
Instagram Feed
More Stories
【曼谷】泰抵玩!埃塞俄比亞航空超筍盤,坐787來回曼谷$1,119起!2019年7月22日前出發