廣告

【踏入結局篇】《大帥哥》小生花旦演技大躍進

查看相片

張衛健事隔多年再次回歸港劇懷抱,佢主演嘅無綫劇集《大帥哥》播出至今大獲好評,話題不斷,無論係故事內容定演員表現都得到觀眾讚賞。除咗張衛健嘅演技冇令大家失望之外,佢仲帶領埋戲中嘅小生花旦演技大躍進。

楊秀惠入行14年一直都係做花瓶角色,最近喺《大帥哥》中飾演艾妞一角獲得好評如潮,劇中佢成日「耶、耶、耶」,聽到人打晒冷顫,不過又唔覺得討厭,淨係覺得佢好單純。有場劇佢以為自己害死羅義(徐榮飾),喺車到喊到妝都花晒,返到大帥府又喊住同大帥哥懺悔一幕真係睇到觀眾心痛。近期劇集進入結局篇,羅義為救大帥哥(張衛健飾),而被好兄弟馬炭(洪永城飾)殺死,艾妞喊到死去活來,真係睇到大家心都酸埋。

查看相片

除了楊秀惠外,網民亦大讚出道至今19年嘅譚凱琪。佢飾演嘅天嬌既溫柔又賢淑兼唔造作,點知原為日本間諜-舞川奈伊,但動咗真情愛上大帥哥,佢內心戲非常複雜,溫柔同兇狠都發揮得淋漓盡致,可惜天嬌喺上星期已經被馬炭殺死。不過喺臨死前,大帥哥希望天嬌可以改邪歸正,仲為佢擋子彈,唔少觀眾完全感受到佢真摯嘅演技。

查看相片

至於過往一直被批評演技浮誇嘅蔡思貝同洪永城都改進唔少,獲觀眾大讚有進步。

劇中洪永城「馬炭」嘅暴走式演技令網民刮目相看,戲內佢有雙重人格,平時好和善,但一激動時好似想死人咁。有幾場戲佢激怒到極點,雙眼都滿佈血絲,先後殺死麥先根(彭懷安飾)、佘南(古明華飾)及天嬌(譚凱琪飾)等人。最近劇情講到黑化嘅馬炭取代大帥哥,成為昇威鎮嘅新大帥,不過得到權力後佢開始失去人性,除咗殺死羅義之外,佢仲將冬來收監,睇到觀眾咬牙切齒。

查看相片

至於,蔡思貝出道至今都係做啲「衝動性格」嘅角色,演技生硬、劣評如潮。今次終於蛻變成為冷靜又細心嘅革命黨章沅婉兼大帥哥嘅妻子。睇得出佢語氣、聲線和速度都落咗唔少苦功,成功洗底。

廣告
Instagram Feed
More Stories
【股災的原兇】鄭少秋新劇本月底上