廣告

外國調查:20%打工仔曾受同事短訊欺凌

有時候喺同事Group入面睇到難聽說話你會點做?其實呢啲說話,已經構成欺凌。

據英國求職網站Totaljobs一項調查指,在受訪嘅3000多位打工仔女之中,高達90%稱經常用WhatsAppFacebook Messenger等通訊Apps,跟公司嘅人溝通。

然而,其中20%嘅人表示,曾受同事嘅訊息欺凌。大部分被欺凌對象指,主要因為個人情況(45%)和專業表現(44%)而遭同事欺負;亦有受訪者表示,是因為自己嘅性取向(15%)或性別(12%)嘅緣故。

調查發現,有19%嘅人承認,曾向同事發訊息,去抱怨另一位同事講是非;另有16%則稱,有背後發短訊講同事壞話。就算唔講八卦嘢,正經傾公事,一樣可出事。有27%受訪者表示,曾於Group chat講出對工作一啲嘅想法,結果引起同事們爭論。

至於遭同事訊息欺凌嘅打工打女,有34%稱唔去理會,避免和欺凌者起衝突;但有8%嘅人嚴重到選擇辭職,俾人激一激就默默離開公司。

事實上,有42%受訪者承認,比起面對面溝通,處理短訊嘅對話時會無咁小心;並有29%坦言當下諗到咩就寫咩;話會為自己所寫內容感到後悔嘅佔18%

雖則講人壞話都可以減壓,但同事之間「溝通」要慎言,畢竟大家唔係咁老友,唔係乜都講得一餐啦。

來源:happiful

廣告
More Stories
校長不滿女學生32度仍着冷衫 罰全校課室熄冷氣