廣告

夢中的婚禮 瘋狂準新娘的4個行為

今年5月,阿嬌同「醫界王陽明」賴弘國係LA舉行Pre-wedding Party,尋日阿嬌終於正式升呢做「賴太」,係尖沙嘴一間海景餐廳舉行註冊儀式,只邀請30多位至親好友見證,包括「龍虎豹」好姊妹容祖兒同蔡卓妍、鄭希怡(Yumiko)、賭王千金何超蓮等,而英皇老闆楊受成就身兼父職做證婚人,見證阿嬌和Michael簽紙。據知個阿嬌婚禮仲未完,聽日(20日)將會正式擺酒,到時會有更多嘉賓出席晚宴。

不少網友聽到都表示:「下,仲有?」、「完全唔覺得佢低調」事實上,由今年5月Pre-wedding,期間阿嬌的IG Post都離不開婚禮,好似地獄式減肥、試婚紗,如今簽完紙,隔日又話擺酒,感覺像是沒完沒了。結婚一生人一次(好彩的話),個個女生都想攪到好好睇睇,艷壓全場,但有時過咗火的話,真係會令身邊人感到煩厭。

有你講無人講

準新娘一定忙住準備婚禮的細節,但如果每次見面的話題都係圍繞結婚細節,得你講人講,朋友們都無癮啦。

無限Upload婚照

好多準新娘都會影幾輯Pre-wedding,影唔緊要,但有些人總愛日日Post一兩張,Post足一兩個月,務求日日都呃到Like,Post婚照記得適可而且。

人人都要遷就你

準新娘要Keep Fit好正常,但如果次次出來食飯都要所有人遷就你一個,而你又覺得係理所當然,真係太強人所難啦。

攪勁多次儀式

好似阿嬌咁,海外一次、簽紙一次、喜宴又一次,朋友們單單係置裝費都花了不少(唔係個個朋友都好似阿Sa同Joey咁有錢),重要禮金同賀禮呢?雖則話好朋友唔會介意,但新娘都唔好強人所強先得架!

廣告
Instagram Feed
More Stories
【反擊美人計】苦主局中局 倫敦金美女喊住求情 (有片)