廣告

【許志安偷食】今日有幾多老公被連累?

全城震驚嘅許志安、黃心穎偷食事件唔需要多講,大家應該都睇晒新聞。男人偷食,唔出奇,出奇在佢係許志安;許志安偷食都唔出奇,出奇在女方竟然係黃心穎。實好多讀者會講「關我咩事」,原本的確係唔關事嘅,但衰就衰在許志安仿佛突然提醒緊全香港嘅女人「喂,睇住你老公呀!」

許志安同Sammi,離離合合幾十年,5年前終於拉埋天窗修成正果,咁多年以嚟都無誹聞,甚至都係講佢哋幾恩愛幾Sweet,但竟然突然爆出偷食,而對象黃心穎更加係兩個界別嘅人,唔少人都唔知佢哋兩個係互相認識。網絡上好多男網民就話,老婆突然畀說話佢哋聽,因為女人們突然驚醒,原來平時睇落幾Sweet都好,要偷食都係一樣搵到方法,而且對象更加難以捉摸,完全毫無先兆,人選更加係估唔到,對老婆而言,係完全防不勝防!又再一次向大家宣佈「邊有男人唔偷食」呢個似是而非嘅理論。

阿安哥,偷食出軌係你個人嘅事,不過做得藝人、名人,唔該你自己生活檢點一啲,做唔到人哋嘅榜樣,都起碼唔好連累其他人躺著也中槍。真係好似睇戲咁講「偷食行遠啲啦!」

廣告
Instagram Feed
More Stories
《16座全球最值得你停下欣賞的地鐵站》沒想到台灣竟然也上榜了!