廣告

國產影片平台出手 日本動畫片被抹走半個畫面

查看相片

向來都知中國對於媒體內容有高度關注,

係嘅係嘅,唔好荼毒人民嘛。

國產影片平台Bilibili向來有唔少捧場客上去睇動漫,當然都係冇買版權啦。

可能見到龐大市場,於是個網真係搞付費會員制度,

以正式渠道買入日本動漫嚟播放,都幾值得鼓掌。

不過正版又點,有機會教壞人民嘅就要清洗!

近日唔少網民發現,一部喺Bilibili播放嘅動畫《GRAND BLUE碧藍之海》,

出現大量被屏蔽嘅畫面。

事關呢套動畫入面有好多大學生飲酒作樂,同埋近乎18禁嘅搞笑劇情,

有關方面就用各種手法「洗乾淨」。

例如打格仔。

查看相片

例如加上被稱為「聖光」嘅塗鴉,遮住唔出得街嘅畫面。

本來係咁︰

查看相片

結果係咁︰

查看相片

另一個前後分別︰

查看相片

查看相片

其實都真係幾考功夫,要俾掌聲幕後人員。

唔少網友都話,俾錢睇正版反而得到咁嘅版本,

難道要睇返盜版先得?

梗係唔得啦,直情係睇都唔好睇,要睇就睇《戰狼》或者《厲害了我的國》啦!

廣告
More Stories
吸納女性用家?Pixel 3 系列會有粉色版!