廣告

網上購物主播泰國出埠直播 2日做1億生意

大熱天時,要買嘢梗係網購啦。

網上購物平台搵主播sell貨,香港仲未有人打開缺口,

但喺內地已經hit到癲。

 

有幾?呢位主播出trip 48小時,賣咗價值1億人仔嘅貨。

 

有一隻化妝粉餅,經主播金口一推,3秒賣8000個。

 

好生意到連泰國親王都要頒個獎俾佢,感謝佢帶動經濟。

呢位主播叫薇婭,本來做服裝生意,又做過歌手。

以前佢開鋪頭賣衫,生意不俗,但係發現人客會喺試身室影低心儀衣飾之後唔幫襯,

之後再上網淘返嚟。

於是薇婭就決定開展網上生意,做到稍有起色,

就有人搵佢做網購直播。

 

呢次直播,薇婭去到泰國曼谷進行,

其實節目開始之前幾個月,佢嘅團隊已經開始資料搜集,

試用唔同產品,試到好用先再搵代理傾個靚價。

薇婭話,佢地會認真做測試,試過有同事為咗揀最好用嘅面膜,

敷到敏感都繼續!

 

幕後搏命,幕前嘅薇婭更加奮不顧身。

去到曼谷嘅48小時,佢只係瞓咗1個鐘,食咗幾啖飯,再連續主持網購直播5個鐘頭。

完節目喉沙沙,都要開會檢討客服、直播上嘅問題。

薇婭值錢在咩?因為好多粉絲都信佢,

信任程度係,佢介紹緊件貨,觀眾已經話「唔使講喇,你再講我就買唔到架喇」。

薇婭亦都認同,自己要做好把關,先至得到咁多人嘅信任。

 

所以呢,信任,真係好值錢。

原文傳送門

廣告
More Stories
喺台灣「以你的名字呼喚我」變成鄉土風情