廣告

周街放蚊有原因!哥倫比亞用帶菌蚊防止登革熱

以前講「放蚊」,並唔係真係搵啲蚊嚟放(打喊路呀即係),

但係而家真係有人名正言順養啲蚊出嚟周街放!

 

哥倫比亞蚊患嚴重,當地多次出現登革熱疫情。

噴殺蚊水呢啲方法都搞唔掂,

處理蚊患嘅「世界滅蚊計劃」就搵到個方法……

就係放蚊!

呢啲培植出來嘅蚊,身上帶有一種叫「沃爾巴克氏體」嘅細菌,

可以防止登革熱病毒喺蚊子身上生長。

當呢批被放出來嘅蚊同其他蚊交配,佢地嘅下一代都會帶有「沃爾巴克氏體」。

咁即係話,冇減少蚊子數量,

但佢地唔再會有登革熱病毒,即使叮人,都唔會將病毒周圍傳播。

 

除咗放蚊,計劃仲教導學生養蚊同放蚊,

咁就有更多社區嘅蚊子生態改變,從而預防登革熱。

 

呢個措施大約有效50年,

足夠科研人員搵出疫苗以及其他方法對抗登革熱。

希望真係幫到熱帶地方嘅朋友啦。

 

查實呢招係「無間道」定「美人計」呢?

原文傳送門

廣告
More Stories
澳洲Work Holiday注意 小心闖入墨爾本五個熱門鬧鬼地點