廣告

16000蚊包早餐 住酒店已經抵過租樓

.

查看相片

上星期筆者收到珀麗酒店低至200幾蚊的whatsapp圖時,正在隨家人到愉景灣酒店玩樂一天——因為1000蚊就包早餐,所以相當化算。

今日再睇返住酒店價錢,真係隨時平過租樓住,點解咁講?大家計一計就知道。

先不說酒店本身的長plan,和部份似賓館多過酒店的月租計劃,筆者只是直接在網上預訂香港珀麗酒店,由9月1日到9月30日,包早餐、連稅的價格為19466元。

單單呢個價,其實已經KO好多旺區洋樓盤。

九龍珀麗呢?同樣是由9月1日到9月30日,唔早餐、連稅,只需要13161玩。

記住,係萬三蚊,住酒店﹗

.

查看相片

.

查看相片

包早餐呢?就貴少少,要16400蚊。

.

查看相片

以現時鐘點平均250元plan 3小時計算,平日屋企要每星期清潔兩次,一個月開支都要2000蚊;而落街食早餐以每日50蚊計算,一個月便要約1500蚊,還未計你要返工車費,當車費1000,水電媒上網600蚊,屈指一算,如果今時今日你要租樓自住,最基本都要多5000幾蚊生活費。

換言之,如果你只得16000蚊生活budget,你要在大角咀區租樓住的話,基本上你只能租約11000蚊或以下的樓盤。

粗略網上一搜,這個預算,基本上能租的都是套房,肉酸甚至無大堂,如果係油尖旺,隔兩層隨時會有「鐘仔」;除非你可以將budget加到20000,否則酒店真係會好過租樓,更一定平過去租納米樓。

仲會唔會有更平?有呀,華麗系列會更加平,所以筆者如果有朋友係單身,本身「斷捨離」後又無乜家檔,真係強烈建議你去住酒店算。

廣告
More Stories
重點身材改造課程1對1健身教練指導 (by RY Fitness天后健身中心)